Home > News, SOMALI NEWS, SUDAN, TFG Somalia > Somalia:Dawladda Soomaaliya oo aqoonsatay Koonfurta Sudan

Somalia:Dawladda Soomaaliya oo aqoonsatay Koonfurta Sudan

Sunday, July 10, 2011

Laaska News  July 10,2011
Dawladda FKMG-ka ah ee Soomaaliya  ayaa si rasmi ah u aqoonsatay Koofurta Sudan kaddib markii ay ka go’day qeybihii kale ee Sudan.

Wasiirka Warfaafinta Boostada iyo Isgaarsiinta Soomaaliya  Dr. C/kariim Xasan Jaamac oo wareysi qaas ah siiyay Radio Muqdisho ayaa ka hadlay gooni isu taagga Koofurta Sudan  ,isagoo tilmaamay in ay dowladda Soomaaliya Mabda’ ahaan u aqoonsan tahay Koofurta Sudan.

Waxa uu farta ku fiiqay in arrintaani ay  ka dambeysay safarkii ay  madaxweynaha iyo wafdigiisa ku tageen magaalada Jubba islamrkaana ay uga qeyb qaaateen Munaasabadii dabaaldegga xoriyadda Koofurta Sudan.

Maalintii shalay ayaa waxa ay koofurta Sudan  ka xurowday Woqooyiga Sudan  kaddib markii ay heshiis wada saxiixdeen hoggaamiyaha  Koofurta Silva Keer  iyo Madaxweynaha woqooyiga Sudan  Cumar Xasan Al Bashiir.

Koofurta ayaa noqoneysa wadankii 54-aad ee ka tirsan qaarad weynta Afrika,  iyadoo madax  badan oo ka tirsan caalamka ay si weyn u soo dhoweeyeen qaadashada xornimadeeda.

Dawladda  soomaaliya ayaa ka mid noqoneysa dowladaha ugu horeeya ee aqoonsada Koofurta Suudan,  inay tahay mid ka madax banaan qeybaha kale  Sudan.
RM.
Laaska News.
www.laaska.wordpress.com

Advertisements
%d bloggers like this: